സ്നേഹത്തിന്റെയും (മരണത്തിന്റെയും) ഗസല്‍ 

നിലാവ് പെയ്യുന്നയീ-

രാത്രിയില്‍---

നിശാഗന്ധി പൂവിന്റെ-

സുഗന്ധത്തില്‍

ഒരു ഗസലിന്റെ-

ഈണത്തില്‍ 

നിന്നിലേക്കാഴ്ന്നിറങ്ങണം.

എന്നിട്ട്-

നിന്റെ കണ്മഷി കൂട്ടില്‍ 

എന്റെ കണ്ണുനീര്‍ ചാലിച്ച് 

ഞാനൊരു ചിത്രം വരക്കാം.

വരകള്‍ ഇടമുറിഞ്ഞ -

അപൂര്‍ണമായ ഒരു ചിത്രം .

വേരുകള്‍ പിഴുതെറിഞ്ഞ്

വിരലുകള്‍ മുറിച്ച് 

അപരാഹ്നത്തില്‍ 

ആകാശനീലിമയെ പ്രണയിച്ചു-

നിന്റെ നനുത്ത വിരലുകളുടെ 

സ്പന്ദനങ്ങളെ താലോലിച്ച്
ഈ കടല്‍ത്തീരത്ത്‌-
ഒരു രാത്രിയുറക്കം..
തിരമാലകളുടെ-
വിലാപ ഗീതവും കേട്ട്-

മൃതിയുടെ ശൈത്യത്തിലേക്ക്‌...